Föstudagskvöldið 18. apríl kl. 20:30 munu Uppsveitasystur halda tónleika í Félagsheimili Hrunamanna. Á efnisskránni er gospeltónlist, negrasálmar og lög úr ýmsum áttum. Einnig koma góðir gestir fram á tónleikunum, en þeir eru Stúlknakórinn Hekla undir stjórn Nínu Maríu Morávek og tvær ungar stúlkur úr Flúðaskóla munu flytja nokkur lög. Stjórnandi Uppsveitasystra er Magnea Gunnarsdóttir og undirleikari er Stefán Þorleifsson. Aðgangseyrir er 1.500 kr. Frítt fyrir grunnskólabörn.

Vonumst til að sjá sem flesta.

Uppsveitasystur munu halda sína fyrstu sjálfstæðu vortónleika föstudaginn 18. apríl.  Þar munum við syngja lög frá ýmsum löndum og er þema kvöldsins að stelast burtu og fara heim.

Um þessar mundir erum við að safna styrktarlínum í söngskrána okkar og eru allar klær úti því rekstur kvennakórs kostar sitt eins og allt annað.
Þeir sem eru áhugasamir um að styrkja okkur geta haft samband í netfangið Þetta netfang er varið fyrir ruslrafpósti, þú þarft að hafa Javascript virkt til að skoða það   til að senda inn styrktarlínu eða auglýsingu.

• Styrktarlína (nafn í söngskrá) kr. 2.500
• Auglýsing (1/4 A4 blað) kr. 5.000
• Auglýsing (1/2 A4 blað) kr. 15.000

Meðfylgjandi er könnun sem gerð er af nemendum viðskiptafræði í Háskólanum í Reykjavík í áfanganum Hagnýt tölfræði. Okkur þætti vænt um ef þið gæfuð ykkur tíma til að svara könnuninni fyrir okkur. Tilgangur könnunarinnar er að komast að því hvort kórstarf hafi áhrif á sjálfsöryggi fólks og hvetji það jafnvel til söngnáms. Þetta er örstutt könnun, aðeins 15 spurningar, og ætti ekki að taka meira en 2-3 mínútur að svara. Athugið að fyllsta trúnaðar er gætt og svör verða ekki rakin til einstakra þátttakenda. Þátttaka þín í þessarri könnun er okkur mikilvæg og viljum við því þakka þér kærlega fyrir að taka þátt.

Vinsamlegast smellið með músinni á hlekk hér að neðan til að taka þátt í könnuninni eða afritið (copy/paste) í vafrann (broswer) ykkar.

http://www.createsurvey.com/c/63022-hfVpm8/ 

Með kveðju, Hafdís Helga og Aðalheiður